नेपालगन्ज । भारतको देहरादुनमा भएको सातौं अन्तर्राष्ट्रिय तेक्वान्दो च्याम्पियनसीप प्रतियोगितामा बाँकेका पाँच खेलाडीले उपाधि हात पारेका छन् । मंसिर २९ देखि १ गते सम्म भएको अन्तर्राष्ट्रिय तेक्वान्दो च्याम्पियनसीप प्रतियोगितामा एक जना प्रशिक्षक र पाँच जना खेलाडीले प्रथम स्थान हासिल गरेका हुन् ।
उत्तराखण्ड तेक्वान्दो एशोसियसन तथा युपी गुडविल तेक्वान्दो एशोसियसनले आयोजना गरेको प्रतियोगितामा प्रशिक्षक चन्द्रप्रकाश श्रेष्ठ, खेलाडीहरु सागर धामी, विहान गोयल, अनुज गिरी, आभाष पराजुली, प्रिति विष्टले प्रथम भएर उपाधि हात पारेका हुन् ।
तर्कराज देवकोटा, जुनु पासी, वियन्सा कक्षपति द्वितिय भएका छन् । युवराजसिंह ठकुरी, हर्केसिंह पाण्डे, अभिनव चौधरी तृतिय भएका छन् । प्रतियोगितामा भाग लिन टीम प्रशिक्षक उमादेवी थापा, व्यवस्थापक प्रवीणबहादुर ठकुल्ला र अन्तर्राष्ट्रिय रेफ्री प्रकाश लामिछाने सहित खेलाडीहरु देहरादुन गएका थिए।
प्रतिक्रिया