बुटवल । गृहमन्त्री नारायणकाजी श्रेष्ठको राजीनामा माग्दै बुटवलमा सत्ता गठबन्धन भित्रको तरूणदलले गृहमन्त्रीको पुत्ला जलाएको छ ।
सत्ता गठबन्धनकै दल नेपाली काङ्ग्रेसको सगठनले आज साँझ तरुण दल रुपन्देही र नेविसंघ रुपन्देहीले गृहमन्त्री श्रेष्ठको राजीनामा माग्दै बुटवलमा पुत्ला दहन गरेको हो ।
ललितपुरको बालकुमारीमा शुक्रबार भएको प्रदर्शनमा प्रहरीले चलाएको गोलि लागेर २ जना युवाको मृत्यु भएको विरोधमा आज बुटवलको मिलनचोक देखि चौराहसम्म प्रदर्शन गरेको थियो ।
तरुण दलका रुपन्देही कार्यबाहक सभापति प्रशान्त कोइराला, नेविसंघ सभापति सन्दिप पान्डेयको अगुवाईमा पुत्ला दहन गरिएको हो ।
कार्यक्रममा बोल्दै अध्यक्ष कोईरालाले राजिनामा नआए अनिश्चितकालीन रुपन्देही बन्दको घोषणा गर्ने चेतावनी दिए । उनले अन्य राजनीति दलका युवाहरुलाई आन्दोलनमा साथ दिनको आग्रह गरे ।
कार्यक्रममा तरूण नगर अध्यक्ष सुजन पुन, क्षेत्रीय सभापति हसन्त लामा युवा नेता छाया पोखरेल लगायतको उपस्थिति रहेको थियो ।
प्रतिक्रिया