काठमाडौं । सत्तारुढ नेकपा माओवादी केन्द्रले राष्ट्रिय सभाको निर्वाचनका ६ जना उम्मेदवारको नाम टुंगो लगाएको छ।
आगामी माघ ११ गते हुन लागेको निर्वाचनमा गठबन्धन दलहरुबीच भएको सहमतिअनुसार पाएको ६ सिटमा माओवादीले उम्मेदवारको टुंगो लगाएको हो ।
कोशीबाट चम्पादेवी कार्की, बागमतीबाट श्रीकृष्ण अधिकारी, गण्डकीबाट मनरुपा शर्मा, कर्णालीबाट विष्णु विक, लुम्बिनीबाट झक्कु सुवेदी र सुदूरपश्चिमबाट रेणु चन्दको नाम टुंगो लगाएको सचिव देवेन्द्र पौडेलले बताए ।
सत्तागठबन्धनको बैठकलगत्तै बसेको पदाधिकारी बैठकले उम्मेदवार तय गरेको हो ।
राष्ट्रियसभा सदस्यका लागि सोमबार मनोनयन हुँदैछ । आगामी माघ ११ गते राष्ट्रियसभा सदस्यको रिक्त सदस्यका लागि निर्वाचन हुँदैछ ।
गठबन्धनसँगको सहमतिअनुसार १९ सिटमध्ये कांग्रेसले १०, माओवादीले ६, एकीकृत समाजवादीले २ र जसपाले १ सिट लिने सहमति भएको थियो ।
प्रतिक्रिया