नेपाल प्रहरीका १६ डीआईजीको काज सरुवा (सूचीसहित)

काठमाडौं । नेपाल प्रहरीका १६ जना प्रहरी नायब महानिरीक्षक (डीआईजी) को सरुवा गरिएको छ ।

गृह मन्त्रालयमा मंगलबार बसेको गृहमन्त्रीस्तरीय बैठकले प्रहरी नायव महानिरीक्षक (डीआईजी)हरूको काज सरूवा गरेको हो । बैठकले सबै प्रदेशका प्रदेश प्रमुख परिवर्तन गर्ने समेत निर्णय गरेको छ ।

गृह मन्त्रालयले प्रहरी प्रधान कार्यालय, प्रहरी महानिरक्षिकको सचिवालयमा कार्यरत केन्द्रीय प्रहरी प्रवक्ता कुबेर कडायतलाई लुम्बिनी प्रदेश प्रहरी कार्यालय, दाङ सरुवा गरेको छ । मन्त्रालयले अख्तियार दुरूपयोग अनुसन्धान आयोग टंगालमा कार्यरत डीआईजी चन्द्र कुबेर खापुङलाई कोशी प्रदेश प्रहरी कार्यालय विराटनगर सरूवा गरेको छ भने प्रहरीको केन्द्रीय अनुसन्धान ब्‍यूरो महाराजगञ्जमा कार्यररत यज्ञ विनोद पोखरेललाई मधेश प्रदेश प्रहरी कार्यालय जनकपुर काज सरूवा गरिएको छ ।

यस्तै गण्डकी प्रदेश प्रहरी कार्यालय पोखरामा कार्यरत डीआईजी बुद्धिराज तामाङलाई अख्तियार दुरूपयोग अनुसन्धान आयोगमा र बागमती प्रदेश प्रहरी कार्यालयमा कार्यरत डीआईजी किरण राणालाई केन्द्रीय अनुसन्धान ब्यूरो महाराजगञ्ज तानिएको छ । कर्णाली प्रदेश प्रहरी कार्यालयका भीमप्रसाद ढकाललाई प्रहरी महानिरीक्षकको सचिवालय तानिएको छ ।