बुटवल । भारतको अयोध्यामा सोमबार हुन गइरहेको राम मन्दिरको प्राण प्रतिष्ठाका दिन रुपन्देहीको गैडहवा गाउँपालिकाले सार्वजनिक बिदा सहित सो दिन माछा, मासु र मदिरा सेवन, काटमार र बेचबिखनमा प्रतिबन्ध लगाएको छ ।
गाउँपालिकाले एक सूचना जारी गर्दै मित्र राष्ट्र भारतको अयोध्यामा नव निर्मित श्री राम मन्दिरमा प्राण प्रतिष्ठा कार्यक्रम रहेको साथै रामको विवाह नेपालकी छोरी सितासंग भएको भन्दै उक्त दिन गाउँपालिका क्षेत्रभित्र कुनै पनि पशुपन्छी जीवजन्तु आदिको वध, मदिरा, माछा, मासुको विक्री वितरण कार्य नगर्न सूचीत गरेको छ ।
सूचनामा सोमबारका दिन गाउँपालिकाको कार्यालय, बडा कार्यालय स्वास्थ्य संस्थाहरु (अत्यावश्यक सेवा बाहेक) र शैक्षिक संस्थाहरुलाई स्थानीय विदा दिइएको उल्लेख गरिएको छ ।
प्रतिक्रिया