खजुरा । बाँकेमा जारी नवौं डाँफे कप नक आउट फुटबल प्रतियोगिताको आज सम्पन्न दुई खेलमा रेसिङ्ग साहरा क्लब कोहलपुर र न्यु डाँफे स्पोर्टस क्लब ‘बि’ विजयी भएका छन् । आज विजयी भएका दुबै टिम दोस्रो चरणमा प्रवेश गरेका छन् ।
बाँकेको खजुरा डि गाउँ स्थित मिनि रंगशालामा विहिबार चौथो दिन सम्पन्न पहिलो खेलमा रेसिङ्ग साहरा क्लब कोहलपुरले एफसि गौघाटलाई ४–१ गोल तथा दोस्रो खेलमा न्यु डाँफे ‘बि’ ले सगरमाथा युथ क्लब बैजनाथलाई ट्राईबेकरमा पराजित गरेको छ ।
पहिलो खेलमा रेसिङ्ग साहराको जितमा महेश विकले खेलको १३ औ र ३० औ मिनेटमा गोल गरेका थिए भने महेश शाहीले ४० औ र कुष्ण पुरीले ४५ औं मिनेटमा चौथो गोल गरे । एफसी गौघाटका सरोज केसीले ३८ औ मिनेटमा सान्त्वना गोल गरे । खेलको रेसिङ्ग साहरा क्लब कोहलपुरका सुनिल थापा मगर म्यान अफ द म्याचबाट पुरस्कृत भएका छन् ।
विहिबार नै भएको दोस्रो खेलमा न्यु डाँफे स्पोर्टस क्लब ‘बि’ र सगरमाथा युथ क्लब बैजनाथको निर्धारित समयसम्म १÷१ गोल को बराबरी भएपछि खेल ट्राईबेकरमा धकेलिएको थियो । ट्राईबेकरमा न्यु डाँफे ४–२ गोल अन्तरले विजयी भयो । सो खेलमा न्यु डाँफेका गोलकिपर दिपेन्द्र बोहरा म्यान अफ द म्याचबाट पुरस्कृत भए । म्यान अफ द म्याच घोषित खेलाडीलाई नेपालगन्जमा रहेको थोपा प्रयोगशालाको तर्फबाट नगद ११ सय र मेडलबाट पुरस्कृत गरिएको प्रचार संयोजक खगेन्द्र दाहालले बताए ।
प्रतियोगितामा विजेता टिमले नगद १ लाख ५५ हजार ५ सय ५५ रुपैया र उपविजेता टिमले ८५ हजार ५ सय ५५ रुपैयासहित, कप, मेडल तथा प्रमाणपत्रबाट पुरस्कृत गरिने खेल संयोजक तिलकबिर सुनारले बताए । प्रतियोगितामा १२ टिमले भाग लिएका छन । प्रतियोगिताको प्रथम पुरस्कार खजुरा डी गाउँ घर भई हाल अमेरिकामा रहेका लिल बहादुर थापाले सौजन्य गरेका छन ।
प्रतियोगितामा १४ टिमले भाग लिएका छन । शुक्रबार देखि क्वाटर फाइनलका खेल शुरु हुनेछ । शुक्रबार पहिलो खेल बाग्मति स्पोर्टस क्लब बि गाउँ र एफ सी ब्रोदर्श खजुरा बीच हुनेछ । त्यस्तै दोस्रो खेल धम्बोझी क्लब नेपालगन्ज र न्यु दर्पण स्पोर्टस क्लब खजुरा ४ ई गाउँबीच हुने आयोजकले जनाएको छ ।
प्रतिक्रिया