खजुरा । बिश्व समुदायका बिरलै भेटिने हिन्दु र मुस्लिमको एउटै तिर्थस्थल बन्दै आएको बाँकेको खजुरा स्थित मुसबेटवा मजारमा आजबाट मेला लागेको छ । सयौं बर्ष पुरानो मानिएको मुसबेटवाबाबा मजारमा हरेक बर्ष बसन्त पन्चमी का दिनदेखि ३ दिन सम्म लाग्दै आएको परम्परागत मुसबेटवा मेला आज बाट शुरु भएको हो ।
खजुरा क्षेत्रमा मानव बस्ती बस्नु अगाडी दुईजना धार्मिक बाबाले मजारको स्थापना गरेको यतिहास बोकेको मजारलाई हिन्दु र मुस्लिम दुबै समुदायले धार्मिक तिर्थस्थल मान्दै आएका छन् । परम्परादेखि ३ दिन लाग्ने मुसबेटवा बाबा मजारमा बाँके,बर्दिया तथा छिमेकी जिल्लाहरु सहित भारतीय सिमावर्ती गाउँ र शहरबाट समेत मेला भर्न र मजारमा पूजा अर्चना गर्न आउने गर्दछन् ।
मजारमा भाकल गर्दा मनोकामना पुरा हहुने धार्मिक विश्वास रहँदै आएको छ । सबै धर्मावलम्बीले मान्ने र आस्थाका साथ मजार दर्शन र मेला भर्ने गरेका कारण मुसबेटवा मेलालाई सदभावको परीचय दिने मेलाकारुपमा पनि हेर्ने गरिएको छ ।
अन्य धार्मिक स्थलहरुमा फूलपातीको पूजा अर्चना हुने गरेपनि मुसबेटवा मजारमा भने च्यादर ओढाउने प्रचलन रहँदै आएको छ । च्यादर र प्रसाद चढाएर मन्नत मागे चाडैं नै पुरा हुने जनविश्वास समेत रहँदै आएको खजुरा गाउँपालिका वडा नम्बर ४ का वडा अध्यक्ष टेकबहादुर रोकायाले बताए ।
मुसबेटवा मेलाको आज एक कार्यक्रमका बीच खजुरा गाउँ पालिकाका अध्यक्ष डम्बर बिक तुफान , उपाध्यक्ष मन्जु मल्ल , वडा न (४ का अध्यक्ष रोकाया, युवा नेता सतिश निरौला, प्याब्सन लुम्बिनी प्रदेश उपाध्यक्ष ऋषिकेस जिसिलगायतले सामुहिक रूपमा मजारमा च्यादर ओढाएर उदघाटन गरेका छन् ।
सो अवसरमा प्रतिक्रिया दिँदै पालिका अध्यक्ष बिकले मुसबेटवा मेला खजुराको पहिचान बनेको बताए ।
प्रतिक्रिया