अमेरिकाको बाल्टिमोरमा रहेको तीन किलोमिटर लामो पुलमा पानीजहाज ठोक्कियो

बाल्टिमोर । अमेरिकाको बाल्टिमोरमा पानीजहाजको ठक्करबाट एउटा पुल भत्किएको छ । स्थानीय समय अनुसार मध्यराती १ः३० बजेको समयमा कन्टेनर बोक्ने पानीजहाज फ्रांसिस स्कट की ब्रिजमा ठोक्किएको हो । अधिकारीहरूले धेरै सवारी साधन र कम्तीमा सात जना मानिस पानीमा खसेको प्रारम्भीक अनुमान गरेका छन् । पोटास्को नदीमा बनेको यो पुल तीन किलोमिटर लामो रहेको बताइएको छ ।

अहिलेसम्म कसैको मृत्यु भएको आधिकारिक पुष्टि नभएपनि बाल्टिमोर फायर डिपार्टमेन्टका प्रवक्ताले बाल्टिमोर पुल दुर्घटनामा ुकेही व्यक्तिको मृत्यु भएको हुनसक्नेु अनुमान गरेका छन्। बाल्टिमोर काउन्टीका कार्यकारी जोनी ओल्सजेस्कीले पानीजहाजको ठक्करबाट फ्रान्सिस स्कट ब्रिज भत्केको स्वीकार गर्दै उद्धार कार्य जारी रहेको बताए ।

ठक्कर दिने जहाज ३ सय मिटर लामो रहेको र कन्टेनर बोकेर श्रीलङ्का जाँदै गरेको स्थानीय सञ्चार माध्यमले लेखेका छन् । जहाजमा सिंगापुरको झण्डा राखिएको थियो ।

बीबीसीका अनुसार बाल्टीमोर सिटी फायर डिपार्टमेंटले २० जना मानीस र केही सवारी साधन नदीमा खसेको जनाएको छ ।