काठमाडौं । वैवाहिक बलात्कारको आरोप लागेका न्यायधीश भुवन गिरीलाई सर्वोच्च अदालतले जिल्ला अदालत र उच्च अदालतको आदेश बदर थुनामा पठाउन आदेश दिएको छ ।
न्यायाधीशहरु हरि फूयाल र तिलप्रसाद श्रेष्ठको इजलासले जिल्ला अदालत काठमाडौं र उच्च अदालत पाटनले गिरीलाई धरौटीमा छाड्न दिएको आदेश बदर गर्दै थुनामा पठाउन आदेश दिएको हो ।
गिरी कपिलवस्तु जिल्ला अदालतमा कार्यरत रहेकै अवस्थामा न्यायाधीश गिरीकी पत्नीले आफूमाथि बलात्कार भएको भन्दै गिरीविरुद्ध जाहेरी दिएकी थिइन् । त्यस लगत्तै काठमाडौं प्रहरीले अघिल्लो वर्षको चैत्र २७ गते गोङ्गबुको पवित्रनगरबाट पक्राउ गरी उनलाई कपिलवस्तु पठाएको थियो । कपिलवस्तु प्रहरीले जिल्ला न्यायाधीश गिरीलाई हिरासतमा राखेर गरी अनुसन्धान सुरु गरेको थियो ।
जिल्ला सरकारी वकिल कार्यालयले गिरी विरुद्ध वैवाहिक बलात्कारको मुद्दा चलाएपछि जिल्ला र उच्च अदालतले गिरीलाई धरौटीमा रिहा गर्न आदेश दिएको थियो । मुद्दा दायर भएपछि न्यायाधीश गिरी निलम्बनमा छन् ।
प्रतिक्रिया