खजुरा । बाँकेको खजुरा गाउँपालिकाले विकास निर्माणको काम छिटो छरीतो रुपमा गर्न भन्दै जेसिबी खरिद गरेको छ । खजुरा गाउँपालिका भित्र सडक निर्माण, विस्तार, स्तरवृद्धि , मर्मत सम्भार र पालिकाका अन्य आवश्यक कामहरुमा प्रयोग गर्ने प्रयोजनका लागि जेसीबी खरीद गरेको पालिकाले जनाएको छ ।
विकास निर्माणको कामलाई तिब्रता लिन जेसिबीको खरिदले सहज बनाउने खजुरा गाउँपालिकाका अध्यक्ष डम्बर बिक तुफानले बताए । यसअघि श्रोत र साधनको अभावको बहानामा कामहरु ढिला हुने गरेपनि अव त्यो समस्या हटेर जाने अध्यक्ष बिकले बताए ।
स्थानीय सरकारलाई विकास निर्माणको काम गर्ने सवारी साधन हुँदा सहज हुने भएकाले जेसीबी खरिद गरिएको खजुरा गाउँपालिकाको प्रमुख प्रसासकिय अधिकृत बस बहादुर रानाले बताए ।
चालू आर्थिक वर्षको बजेटबाट ४४लाख ९८ हजार रुपियामा जेसिवी खरिद गरिएको गाउँपालिकाले जनाएको छ। जेसीबी खरीद गरेपछि पालिका अन्तर्गतका सडक अवरुद्ध भएमा सुचारु गर्न सहयोग पुग्ने अपेक्षा गरिएको छ ।
यस अघि पालिकाको फोहर व्यवस्थापन गर्ने भन्दै खरिद गरिएको ट्याक्टर भने संचालनमा नआएर पालिकाको कार्यालयमा थन्किएको छ ।
प्रतिक्रिया