मध्यविन्दु । राष्ट्रिय युवा संघ नेपाल मध्यविन्दु नगर कमिटी नवलपरासीले रचनात्मक क्रियाकलापसहित आफ्नो ३५ औं स्थापना दिवस मनाएको छ । संघले स्थापना दिवसको अवसरमा मध्यविन्दु–१५ नवलपरासी (बर्दघाट सुस्ता पूर्व)मा रहेको ज्ञानोदय माविमा रङ्गरोगन गरिएको छ भने सोही बिद्यालयमा २५ हजारको अक्षयकोष पनि स्थापना गरिएको छ ।
संघले मगलबार आयोजना गरेको कार्यक्रममा शुभकामना दिँदै नेकपा एमाले केन्द्रीय सल्लाहकार परिषद सदस्य चन्द्रमणी खनालले युवाहरुलाई थप संगठित गरी रचनात्मक क्रियाकलापमा जोड्नुपर्ने सुझाव दिए ।
यसैगरी पूर्व सांसद तथा एमाले नेता जनकलाल श्रेष्ठ, एमाले प्रदेश कमिटी सदस्य भिमलाल श्रेष्ठ, नेता बाबुराम पाण्डेय लगायतले बोल्दै सिर्जनशिल र रचनात्मक क्रियाकलापले नै युवाहरुलाई संगठित गर्न सकिने उल्लेख गरे ।
कार्यक्रममा अध्यक्ष सागर पाठकले युवाहरुलाई राजनीतिक, सामाजिक तथा आर्थिक रुपले संगठित गर्न आवश्यक रहेको बताए । सोही उद्देश्य र योजना अनुसारनै संघले विभिन्न समयमा रचनात्मक क्रियाकलाप गर्दै आएको उनको दाबी थियो ।
प्रतिक्रिया