बेइजिङको दरबार संग्रहालयलाई सांस्कृतिक सम्पदा संरक्षणको मानकीकरणमा केन्द्रित नयाँ अन्तर्राष्ट्रिय प्राविधिक समिति सचिवालयको आधिकारिक केन्द्रको रूपमा तोकिएको छ । यो एक महत्वपूर्ण कोसेढुङ्गा हो, किनकि सांस्कृतिक सम्पदा संरक्षणमा समर्पित अन्तर्राष्ट्रिय मानक संगठन भित्र आफ्नो प्रकारको पहिलो समिति हो ।
मार्चमा स्थापित र हाल ३१ सहभागी सदस्य देशहरू र १३ पर्यवेक्षण सदस्य देशहरू समावेश गरिएको, सांस्कृतिक सम्पदा संरक्षणका लागि प्राविधिक समितिले अन्तर्राष्ट्रिय मानकीकरण प्रयासहरू मार्फत सांस्कृतिक सम्पदाको संरक्षणमा विश्वव्यापी सहमतिलाई सुदृढ गर्ने लक्ष्य राखेको छ ।
यस पहलमा अनुगमन, मूल्याङ्कन, संरक्षण र पुनस्र्थापना लगायत सांस्कृतिक सम्पदा संरक्षणका विभिन्न पक्षहरूमा प्रयोग हुने शब्दावली, प्रविधि, सामग्री र उपकरणको मापदण्डको विकासलाई समेटिएको छ ।
समितिको कार्यले सदस्य देशहरू बीच उत्कृष्ट अभ्यास र उन्नत प्रविधिको आदानप्रदानलाई पनि सहज बनाउनेछ, विश्वव्यापी सांस्कृतिक सम्पदा संरक्षणको दिगो विकासलाई प्रवर्द्धन गर्ने र अन्तर–सांस्कृतिक शिक्षा र सहकार्यलाई बढावा दिनेछ ।
‘सांस्कृतिक सम्पदा मानव सभ्यताको साक्षी हो, जसमा बहुमूल्य ऐतिहासिक, कलात्मक र वैज्ञानिक मूल्यहरू छन् । मानकीकरण सांस्कृतिक सम्पदा संरक्षणको स्तर बढाउनको लागि एक महत्त्वपूर्ण माध्यम हो’, प्यालेस म्यूजियमको सांस्कृतिक अवशेषहरूको लागि मानकीकरण अनुसन्धान संस्थानका निर्देशक क्यू लियाङले भने । उनी नयाँ आईएसओ समितिको प्रबन्धकमा नियुक्त भएका छन् ।
आईएसओका अध्यक्ष सुङ ह्वान चोले समितिको स्थापना र अन्तर्राष्ट्रिय मापदण्डको तर्जुमा र कार्यान्वयनले सांस्कृतिक सम्पदा संरक्षणमा विश्वव्यापी सहमतिलाई सुदृढ पार्ने र संरक्षणको स्तर बढाउने बताए । उनले भने, ‘यी प्रयासहरूले सांस्कृतिक सम्पदा संरक्षण आदानप्रदानको लागि प्लेटफर्म स्थापना गर्नेछ र मानकीकरण विचारहरूको उत्पत्तिमा अनुसन्धानलाई बढावा दिनेछ ।’
चोले नयाँ समितिले सांस्कृतिक सम्पदा संरक्षणको मानकीकरणसँग सम्बन्धित अन्तर्राष्ट्रिय संस्थाहरूसँगको सहकार्यलाई सुदृढ पार्ने र यस सम्बन्धमा अन्तर्राष्ट्रिय स्तरीकरणको विकासलाई संयुक्त रूपमा प्रवर्द्धन गर्ने विश्वास व्यक्त गरे ।
नेशनल कल्चरल हेरिटेज एडमिनिस्ट्रेशनका निर्देशक ली क्युनले समितिले विश्वव्यापी परिप्रेक्ष्यमा पालना गर्ने, आईएसओको कार्य आवश्यकताहरू पालना गर्ने र सांस्कृतिक सम्पदा संरक्षण मानकीकरणको क्षेत्रमा विश्वव्यापी शासन प्रक्रियालाई प्रवर्द्धन गर्ने प्रस्ताव गरे । ‘सांस्कृतिक सम्पदा संरक्षणको क्षेत्रमा उच्च गुणस्तरीय विकासलाई प्रवर्द्धन गर्न प्राविधिक प्रगतिको प्रयोग गरी नवप्रवर्तनमा आधारित विकासमा जोड दिनुपर्छ’, उनले भने ।
लीले समितिको सचिवालयको कार्यसम्पादनलाई बृहत् रूपमा बढाउने प्रयास गर्नुपर्नेमा जोड दिए । जसले गर्दा सांस्कृतिक सम्पदा संरक्षणमा अन्तर्राष्ट्रिय मापदण्डको विकास गर्न बुद्धि र शक्तिमा योगदान पुग्छ ।
सम्पदा प्रशासनका निर्देशक लीले चिनियाँ सरकारले सांस्कृतिक सम्पदाको संरक्षणलाई सधैं ठूलो महत्व दिएको बताए । ‘आधुनिक प्रविधिको अनुसन्धान र प्रयोगलाई सक्रिय रूपमा प्रवर्द्धन गर्दै र परम्परागत शिल्पहरूमा वैज्ञानिक सिद्धान्त, विधि र दृष्टिकोणहरू लागू गर्दै आएको छ’, उनले भने ।
लीले चीनमा रहेको नयाँ आईएसओ समितिको सचिवालयले सांस्कृतिक सम्पदा संरक्षणको विकासका लागि बहुमूल्य अवसर र फराकिलो चरण प्रदान गर्ने बताए ।
दरबार संग्रहालयलाई निषेधित शहर (Forbidden City) पनि भनिन्छ । सन् १४२० देखि १९११ सम्म यो चीनको शाही दरबार थियो । यहाँ विश्वको सबैभन्दा ठूलो जीवित काठको वास्तुकला परिसर रहेको छ । यो युनेस्को विश्व सम्पदास्थलमा १८६ भन्दा बढी सांस्कृतिक अवशेषहरू रहेका छन् ।
दरबार सङ्ग्रहालयका निर्देशक वाङ सुडोङले सङ्ग्रहालयले मानकीकरणको कामलाई उचित महत्व दिने र आईएसओ प्राविधिक निकायका रूपमा आफ्नो जिम्मेवारी इमान्दारीपूर्वक पूरा गर्ने बताए ।
(चाइना डेल्लीबाट)
प्रतिक्रिया