नेपालगन्ज । बाँके प्रहरीले नेपालगन्जबाट १ थान कागजपत्र बिनाको गाडी बरामद गरि भन्सार कार्यालयमा बुझाएको छ । नेपालगन्ज उप-महानगरपालिका-१८ बाट बरामद भे १ च १६१५ नम्बरको बोलेरो गाडी सहित गाडी चालकलाई प्रहरीले भन्सारमा बुझाएको हो ।
चोरीको गाडी भएको सूचनाका आधारमा नेपालगन्ज १८ मा रहेको सो गाडीलाई चेकजाँच गर्दा सवारी धनी कागज पत्र फेला नपरेको र उक्त गाडी चोरीको भन्ने खुल्न आएको प्रहरीले जनाएको छ ।
बरामद गाडी सहित गाडी चालक रुकुम आठबिसकोटका ललित मल्ललाई नियन्त्रणमा लिई थप कारवाहीको लागि नेपालगन्ज भन्सारमा पठाईएको बाँके प्रहरी प्रवक्ता नारायण डाँगीले बताए । प्रहरीले बरामद बोलेरो गाडीको अन्दाजी मुल्य १२ लाख ताकेको छ ।
प्रतिक्रिया