अन्तराष्ट्रिय बुद्धिचाल महासंघकोे सयौँ स्थापना दिवसमा ललितपुरमा राष्ट्रियस्तरको बुद्धिचाल प्रतियोगिता हुने
काठमाडौँ । अन्तराष्ट्रिय बुद्धिचाल महासंघ (फिडे)को १०० औँ स्थापना दिवसको उपलक्ष्यमा राष्ट्रियस्तरको बुद्धिचाल प्रतियोगिता हुने भएको छ ।
फिडे १०० गिनिश वर्ल्ड रेकर्डको प्रयासका लागि राष्ट्रियस्तरको बुद्धिचाल प्रतियोगिता गर्न लागिएको आयोजकले बताएको छ । स्थापना दिवसको उपलक्ष्यमा नेपालको तर्फबाट प्रतिनिधित्व हुनेगरी राष्ट्रियस्तरको बुद्धिचाल प्रतियोगिता साउन ५ गते शनिवार लुभुस्थित महालक्ष्मी बैंक्वेटमा हुन लागेको हो ।
देशव्यपी रुपमा हुन लागेको सो प्रतियोगितामा सय जना राष्ट्रिय तथा अन्तर्रांस्ट्रियस्तरको खेलाडीहरुको सहभागिता रहने आयोजकले बताएको छ । विभिन्न समूहका १८ जना विजेता खेलाडीहरुलाई नगद पुरस्कार, ट्रफीको साथै प्रमाणपत्र पनि वितरण गर्ने प्रतियोगिताका टुर्नामेन्ट डाईरेक्टर नेसनल आर्बिटर हरिकृष्ण श्रेष्ठले बताए ।
बुद्धिचाल खेल विद्यालयदेखि अन्तर्रास्ट्रियस्तरसम्म पुर्याउन यस्ता प्रतियोगिताको आयोजनाले फाईदा पुग्ने उनले बताए। प्रतियोगिताका प्रमुख निर्णायक अन्तर्रास्ट्रिय आर्बिटर निरञ्जन प्रजापती छ ।
स्वीस लिग अन्तर्गत ९ राउण्डसम्म चल्ने प्रतियोगिता ३ मिनेट तथा हरेक चालपछि २ सेकेण्ड थप गरिने पनि जानकारी आयोजकले गराएको छ ।
प्रतिक्रिया