बाँकेको जमुनाहाबाट प्रतिबन्धित औषधी सहित २ जना पक्राउ

नेपालगन्ज । बाँके प्रहरीले नेपालमा प्रतिबन्धित २ थरी औषधी सहित २ जनालाई पक्राउ गरेको छ । नेपालगन्ज उपमहानगरपालिका १५ जमुनाहाबाट २ हजार पिस प्रतिबन्धित औषधी सहित २ जनालाई प्रहरीले पक्राउ गरेको हो ।

भारतको रुपैडियाबाट नेपालगन्ज तर्फ आउदै गरेको कोहलपुर १५ बस्ने छोटेलाल थारुले चलाएको भे. १० प २२५८ नंम्बरकोको मोटरसाईकल रोकि चेकजाँच गर्दा उक्त मोटरसाईकलमा पछाडि सवार सोही स्थानका भुन्सी थारुले प्लाष्टिक भीत्र भोसेट नामक औषधी १हजार पिस र निमोस्लाइड नामक औषधी १पिस लुकाई(छिपाइ राखेको अवस्थामा फेला पारेको प्रहरीले जनाएको छ ।

प्रहरीका अनुसार बरामद औषधी सहित पक्राउ परेका दुबै जनालाई आवश्यक कारवाहीको लागि औषधी ब्यवस्था बिभाग नेपालगन्ज पठाईएको छ ।