काठमाडौँ। सरकारले बागमती, लुम्बिनी र कर्णाली प्रदेशको प्रदेश प्रमुख हेरफेर गरेको छ ।
सोमबार बसेको मन्त्रिपरिषद् बैठकले यसअघिको सरकारले नियुक्त गरेका तीन प्रदेश प्रमुखलाई हटाएर नयाँ नियुक्ति गरेको हो ।
बैठकले बागमतीमा दीपकप्रकाश देवकोटा, लुम्बिनीमा कृष्णबहादुर घर्तीमगर र कर्णालीमा यज्ञराज जोशीलाई नयाँ प्रदेश प्रमुखमा नियुक्त गरेको छ ।
यसअघि, बागमतीमा यादवप्रसाद शर्मा, लुम्बिनीमा अमिक शेरचन र कर्णालीमा तिलक परियार प्रदेश प्रमुख थिए । यीमध्ये शर्मा एकीकृत समाजवादीबाट सिफारिस भएका हुन् भने शेरचन र परियार माओवादीबाट सिफारिस भएका थिए ।
प्रतिक्रिया