काठमाडौं । नेकपा (एमाले)को उपाध्यक्षमा गुरु बराल मनोनित भएका छन् ।
सिंहदरबार अगाडिको एक होटलमा आज बसेको एमाले सचिवालय बैठकले स्थायी कमिटी सदस्य गुरू बराललाई उपाध्यक्ष पदमा मनोनीत गर्ने निर्णय गरेको हो ।
तत्कालिन उपाध्यक्ष सुवास नेम्वाङको मृत्युपछि यो पद खाली थियो । बैठकले स्थायी कमिटी सदस्यमा मुकुन्द न्यौपाने र लिलानाथ श्रेष्ठलाई मनोनीत गरेको महासचिव शंकर पोखरेलले जानकारी दिएका छन् । बैठकले सात प्रदेशका इन्चार्ज पनि तोकेको छ ।
साथै सातै प्रदेश इन्चार्ज पनि तोक्ने निर्णय भएको छ। जसअनुसार कोशीमा शेरधन राई, मधेसमा लिलानाथ श्रेष्ठ, बागमतीमा राजन भट्टराई, गण्डकीमा किरण गुरूङ, लुम्बिनीमा पद्मा अर्याल, कर्णालीमा गोरख बोगटी, सुदूरपश्चिममा लेखराज भट्टलाई तोकिएको छ।
प्रतिक्रिया