हिंसात्मक प्रदर्शनका बीच बंगलादेशकी प्रधानमन्त्री शेख हसिनाले दिइन राजीनामा, देशबाट पलायन

काठमाडौं । बंगलादेशकी प्रधानमन्त्री शेख हसिना वाजेदले पदबाट राजीनामा दिएकी छिन् ।

आरक्षण र कोटा विरोधी विद्यार्थी आन्दोलन हिंसात्मक बन्दै गएपछि प्रधानमन्त्री हसिनाले आज पदबाट राजीनामा दिएकी हुन् । उनले राजीनामा दिएसँगै देश छोडेकी छिन् । देश छोड्ने क्रममा उनकी बहिनी शेख रहना पनि संगै गएकी छिन् ।

राजधानी ढाकामा हजारौं प्रदर्शनकारीले प्रधानमन्त्री निवासमा प्रवेश गरेका थिए ।
आरक्षण विरोधी आन्दोलन सोमबार थप चर्किएको छ । सो आन्दोलनका क्रममा सयौं प्रदर्शनकारीको मृत्यु भैसकेको छ ।

प्रधानमन्त्रीले देश छोडेपछि बंगलादेशी सेनाका प्रमुख जनरल वाकर जमानले सबै राजनीतिक दलका नेताहरुसँग पछिल्लो अवस्थाबारे छलफल गर्न लागेको बीबीसी बांग्लाले जनाएको छ ।