काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले नेपालको शान्ति विश्वकै नमुना शान्ति प्रक्रिया भएको बताएका छन् ।
प्रतिनिधिसभाको बुधबारको बैठकमा संक्रमणकालीन न्यायसँग सम्बन्धित विधेयकका विषयमा आफ्नो धारणा राख्दै प्रचण्डले नेपालको शान्ति प्रक्रिया प्रक्रिया नेपाली मौलिकतामा हुर्किएको बताउँदै विश्वका लागि नमुना भएको बताएका हुन् ।
‘संसारभर चल्ने यसप्रकारका युद्धहरू कि त हारमा परिणत भएका छन् कि सम्पूर्ण रूपले जितमा तर, नेपालको शान्ति प्रक्रिया विश्वकै अनुपम शान्ति प्रक्रियाको रूपमा रहेको छ र हाम्रा अनुभव निकै मौलिक छन्’, प्रचण्डले भने, ‘यदि यही शान्ति प्रक्रिया युरोप या पश्चिमा देशहरूमा भएको भए सायद यसको मान्यता र स्थापित गर्ने काम ठुलो स्केलमा हुने थियो होला’, प्रचण्डले भने, ‘संसारभर चल्ने यस प्रकारका युद्ध कि त हारमा परिणत भएका छन् कि जितमा ।’
प्रचण्डले हाम्रै गृह, जलवायु, माटो, संस्कृति र परम्परा अनुकूल हुर्किएको शान्ति प्रक्रियाको रूपमा रहेको यो शान्ति प्रक्रियामा अरु देशको नक्कल नरहेको उनले स्पष्ट पारे ।
प्रचण्डले शान्ति सम्झौताको हस्ताक्षरकर्ता पूर्वप्रधानमन्त्री स्वर्गीय गिरिजाप्रसाद कोइरालालाई विशेष स्मरणसमेत गरे । उनले आफुले जोखिम उठाएरै भए पनि नेपालको हतियार व्यवस्थापन र सेना समायोजन पनि सरल र सहज ढंगले गरेको बताए ।
प्रतिक्रिया