आज मध्यराति टेलिकमका ब्यालेन्स रिचार्ज, प्याकेज खरिद र सोधपुछ सेवा बन्द हुने

काठमाडौं । ग्राहक सेवा प्रणालीको स्तरोन्नती गर्न भन्दै नेपाल टेलिकमले आज राति ब्यालेन्स रिचार्ज, प्याकेज खरिद र सोधपुछ सेवा बन्द गरेर काम गर्ने भएको छ ।

नेपाल टेलिकमले ग्राहक सेवा प्रणालीको नियमित स्तरोन्नति कार्य गर्न आज राति ४ घण्टा ब्यालेन्स रिचार्ज, प्याकेज खरिद र सोधपुछ सेवा बन्द गर्ने भएको हो । त्यसक्रममा आज साउन ३२ गते राति ११ बजेदेखि करिब चार घण्टा सेवा प्रभावित हुने टेलिकमले जनाएको छ ।

आज एक सूचना प्रकाशित गर्दै टेलिकमले ग्राहक सेवा प्रणालीको स्तरोन्नती कार्य नियमित भएको जनाएको छ । यसबाट ग्राहक वर्षमा पर्न जाने असुविधाप्रति टेलिकमले क्षमासमेत गरेको छ ।

सेवा सम्बन्धी समस्याका लागि सदाझैं १४९८ र १९८ मा डायल गर्न पनि नेपाल टेलिकमले अनुरोध गरेको छ ।