काठमाडौं । प्रधानमन्त्री केपी शर्मा ओलीले संवैधानिक परिषद्को बैठक बोलाएका छन्।
सिंहदरबारमा आज साँझ ५ बजे बस्नेगरी प्रधानमन्त्रीले बैठक बोलाएका हुन् । नयाँ प्रधानन्यायाधीश सिफारिसको विषयमा छलफल गर्न प्रधानमन्त्रीले बैठक बोलाइएको बताइएको छ । न्यायापरिषद्ले प्रधानन्यायाधीशका लागि यही भदौ २० गते ८ जना न्यायाधीशको नाम संवैधानिक परिषद्मा पठाएको थियो ।
प्रधानमन्त्री अध्यक्ष रहने संवैधानिक परिषद्मा प्रधानन्यायाधीश, प्रतिनिधिसभाका सभामुख, राष्ट्रियसभा अध्यक्ष, प्रतिनिधिसभामा विपक्षी दलको नेता र प्रतिनिधिसभाका उपसभामुख सदस्य रहने संवैधानिक व्यवस्था छ।
सत्तारुढ गठबन्धनले संवैधानिक परिषद्को सदस्य उपसभामुख इन्दिरा रानामगरलाई हटाउने तयारी गरिरहेकै बेला प्रधानमन्त्रीले परिषद्को बैठक बोलाएका हु्न् ।
बहालवाला प्रधानन्यायाधीश विश्वम्भरप्रसाद श्रेष्ठले आगामी असोज २० गतेबाट अवकाश पाउँदैछन्।
प्रतिक्रिया