काठमाडौं । संक्रमणकालीन न्यायसम्बन्धी आयोग गठनका लागि अब बस्ने मन्त्रिपरिषद् बैठकले सर्च कमिटी गठन गर्ने भएकोछ ।
बिहीबार प्रधानमन्त्री निवास बालुवाटारमा बसेको तीन दलका शीर्ष नेताहरूको बैठकमा सर्च कमिटी गठन गर्ने सहमति बनेको हो । बैठकमा सत्य निरुपण तथा मेलमिलाप र बेपत्ता छानबिन आयोग यथासक्य चाँडो गठन गरी संक्रमणकालीन न्याय सम्पादनलाई टुंगोमा पुर्याउन प्रमुख तीन दलका शीर्ष नेताहरु सहमत भएपछि सर्च कमिटी गठन हुने भएको हो । अब बस्ने मन्त्रिपरिषद्को अब बस्ने बैठकले सर्च कमिटी गठन गर्नेछ ।
बैठकमा प्रधानमन्त्री एवम् नेकपा एमालेका अध्यक्ष केपी शर्मा ओली, नेपाली कांग्रेसका सभापति शेरबहादुर देउवा र प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहाल सहभागी थिए ।
यसैरी गृहमन्त्री रमेश लेखक, माओवादीका उपमहासचिव शक्ति बस्नेत, महान्याधिवक्ता रमेश बडाल लगायत ठकमा सहभागी थिए । संसदबाट पारित भएको संक्रमणकालीन न्यायसम्बन्धी विधेयकलाई राष्ट्रपतिले गत भदौ १३ गते प्रमाणीकरण गरेका थिए ।
प्रतिक्रिया