काठमाडौँ । नेपाली राष्ट्रिय क्रिकेट टिमले पहिलो टी-२० आई खेलमा घरेलु टोली अमेरिकालाई पराजित गरेको छ ।
सिरिजको पहिलो खेलमा अमेरिकालाई १७ रनले पराजित गर्दै नेपालले विजयी शुरुवात गरेको हो । ३ खेलको सिरिजमा यो जितपछि नेपाल १-० ले अगाडि भएको छ ।
खेलेको पहिलो इनिङ्समा टस हारेर पहिला ब्याटिङमा उत्रिएको नेपालले अमेरिकालाई १६५ रनको लक्ष्य दिएको थियो । तर अमेरिकाले २० ओभरमा ७ विकेट गुमाउदै १४७ रन मात्र बनाउन सक्यो ।
अमेरिकाका लागि शायान जहानगिरले अविजित ६० रन बनाए भने आन्द्रेज गोउसले ३० तथा मिलिंद कुमारले २२ रन बनाएका थिए ।
नेपालका बलर दिपेन्द्र सिंह ऐरीले सर्बाधिक ३ विकेट लिएका थिए भने गुलशन झा, करण केसी र रिजन ढकालले एक एक विकेट लिएका थिए ।
नेपालका लागि कप्तान रोहित पौडेलले सर्बाधिक ४९ रन बनाएका थिए । त्यस्तै दिपेन्द्र सिंह ऐरीले २८, अनिल शाह र आसिफ सेखले २७(२७ रन बनाएका थिए । त्यस्तै गुलशन झाले ११ र कुशल भुर्तेलले १० रन बनाएका थिए ।
सिरिजको दोस्रो खेल आइतबार बिहान हुनेछ ।
प्रतिक्रिया