पोखरा । सहकारी ठगी र संगठित अपराध मुद्दामा पक्राउ परेका पूर्वगृहमन्त्री एवं राष्ट्रिय स्वतन्त्र पार्टी (रास्वपा) का सभापति रवि लामिछानेले केपी शर्मा ओली सरकार विरुद्ध देशभर आन्दोलनमा उत्रिन आह्वान गरेका छन्।
म्याद थपका लागि कास्की जिल्ला अदालतमा उपस्थित गराइएका लामिछानेले अदालत परिसरमा संचारकर्मीहरुसँग कुरा गर्दै ओली सरकार रहेसम्म सबै नागरिकमाथि मुद्दा थोपर्दै दुःख दिने भएका कारण सरकार विरुद्ध उत्रिन आह्वान गरेका हुन् । उनले आफुलाई न्यायालयप्रति विश्वास रहेको बताउँदै न्यायलयले न्याय दिने विश्वास व्यक्त गरे । उनले भने,
न्यायायलप्रति विश्वास छ । मैले न्यायालयलाई सघाउँछु, तर यो अधिनायकवादी ओली सरकार विरूद्ध देशैभरिबाट सबैजनालाई उत्रन आह्वान गर्छु ।’
उनले सबैभन्दा भ्रष्ट केपी ओली नै भएको दाबी गर्दै भने, ‘मलाई जस्तै डेढ वर्ष लगाएर छानबिन गर्ने हो भने सबैभन्दा धेरै भ्रष्टाचारको जगमा उभिएको मानिस केपी ओली हो।’
प्रतिक्रिया