कोहलपुर । नेकपा एकीकृत समाजवादीका अध्यक्ष माधव कुमार नेपालले एकीकृत समाजवादी एक्लै चुनावमा जान सक्षम रहेको बताएका छन् । बाँकेको कोहलपुरमा नगर स्तरिय कार्यकर्ता भेलालाई सम्बोधन गर्दै अध्यक्ष नेपालले एकीकृत समाजवादी आगामी निर्वाचनमा एक्लै निर्वाचन लड्न सक्षम रहेको बताएका हुन् । उनले कसैसँग पार्टी एकीकरण वा कुनै पार्टीमा समाहित हुने कुरा निराधार भएको बताए ।
उनले एकीकृत समाजवादी पार्टी जनताको पार्टी भएकोले जनताको बीचमै जनताको समस्या साथमा लिएर अगाडी बढ्ने स्पष्ट पारे । उनले सरकारले बाढिपहिरोमा परेका नागरिकलाई सुरक्षीत ब्यवस्थापन र उद्धार गर्न पूर्णरुपमा असक्षम भएको आरोप लगाउँदै अहिलेको सरकार अधिनायकवादी भएको बताए । ‘दशैं गयो, दशैंमा त सरकारको बुद्धि पलाएन, शुभ दिपावलीले सरकारलाई सकारात्मक काम गर्नतिर सदबुद्धि बलावस् ।’ उनले भने ।
कोहलपुर नगर कमिटीका ईन्चार्ज बिष्णु पोख्रेलले कार्यक्रममा अध्यक्ष नेपाललाई स्वागत गरेका थिए । देशब्यापी संगठन विस्तार तथा संगठन सुदृढिकरणका क्रममा अध्यक्ष नेपाल कोहलपुर पुगेका हुन् ।
प्रतिक्रिया