बुटवल । सुप्रिम सहकारीको अपचलन मुद्दामा बयान लिन पोखराबाट रुपन्देही ल्याईएका पूर्वडीआईजी छविलाल जोशीसँग बयान लिन सुरु भएको छ । जिल्ला सरकारी कार्यालय भैरहवामा जोशीसँग बयान लिन सुरु भएको हो ।
सूर्यदर्शन सहकारीसँगै बुटवलस्थित सुप्रिम सहकारी ठगी प्रकरणमा समेत अनुसन्धान गर्नुपर्ने भएकाले सोमबार जोशीलाई कास्कीबाट बुटवल ल्याइएको थियो ।
रुपन्देही प्रहरी प्रमुख एसपी रञ्जित सिंह राठौरका अनुसार जिल्ला सरकारी वकिल कार्यालय भैरहवामा केही बेर अघिदेखि बयान लिन सुरु भएको छ । उनलाई सरकारी वकिल कार्यालयमा न्यायाधिवक्ता प्रेम राज पौडेल, इलाका प्रहरी कार्यालय बुटवल डीएसपी विजय राज पण्डित, अनुसन्धान अधिकृत लगायतको उपस्थितिमा बयान लिने काम भइरहेको छ ।
बुटवलको सुप्रिम सहकारीको रकम हिनामिना छविलालको पनि संलग्नता देखिएपछि जिल्ला प्रहरीले कार्यालय कास्कीले रुपन्देहीमा थप अनुसन्धान लागि बयान लिन पठाएको हो । सोमबार दिउँसो हवाईमार्गबाट रुपन्देही ल्याइएका जोशीलाई सकभर आज नभए भोलि पोखरा फिर्ता पठाउने योजना रहेको बताइएको छ।
इलाका प्रहरी कार्यालय बुटवलबाट चलेको मुद्दा भएकाले जोशीलाई बुटवल स्थित इप्रकाको हिरासतमा राखिएको छ ।
प्रतिक्रिया