पोखरा । सहकारी ठगी प्रकरणमा प्रहरी नियन्त्रणमा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेलाई थप १० दिन हिरासतमा राखेर अनुसन्धान गर्न कास्की जिल्ला अदालतले अनुमति दिएको छ।
मंगलबार जिल्ला न्यायाधीश चन्द्रकान्त पौडेलको इजलासले लामिछानेलाई थप १० दिन हिरासतमा राख्न अनुमति दिएको हो । लामिछानेसहित सोही कसुरमा हिरासतमा रहेका पूर्व डिआइजी छविलाल जोशी, रामबहादुर खनाल र लिला पछाईंलाई पनि १० दिन हिरासतमा राखेर अनुसन्धान गर्न अदालतले अनुमति दिएको छ ।
कास्कीको सूर्यदर्शन बचत तथा ऋण सहकारीको बचत रकम अपचलनको अनुसन्धानका लागि उनीहरु हिरासतमा रहेका छन् । प्रहरी र सरकारी वकिलले २५ दिनको म्याद माग गरेपनि अदालतले १० दिनको समय मात्रै दिएको हो।
लामिछानेमाथि सहकारी ठगी, संगठित अपराध र सम्पत्ति शुद्धिकरणको कसुरमा अनुसन्धान भैरहेको छ ।
लामिछानेलाई बुटवलको सुप्रिम सहकारीको ठगी मुद्दामा रुपन्देही प्रहरीले पनि पक्राउ गरी अनुसन्धान गर्न जिल्ला अदालत रुपन्देहीबाट अनुमति पाइसकेको छ ।
प्रतिक्रिया