एमाले महासचिव पोखरेललाई भ्रातृशोक

काठमाडौँ । नेकपा एमालेका महासचिव तथा लुम्बिनी प्रदेशका पूर्व मुख्यमन्त्री शंकर पोखरेललाई भ्रातृशोक परेको छ । गएराति ७४ वर्षको उमेरमा महासचिव पोखरेलका दाजु देवी पोखरेलको निधन भएको छ ।

पारिवारका अनुसार पोखरेल लामो समयदेखि मिर्गौलाको समस्याबाट पीडित रहेका थिए । नेकपा एमालेका केन्द्रीय सल्लाहकार समेत रहेका स्व. पोखरेलका श्रीमती, दुई छोरा र एक छोरी छन् ।

दाजुको निधन पनि महासचिव पोखरेलले सामाजिक सञ्जालमा लेखेका छन्, ‘हजुर आमा र आमाको संरक्षणमा हुर्कीएको हाम्रो परिवारमा उहाँले सानै उमेरमा अभिभावकीय हिसावले वुवाको भूमिका निर्वाह गर्नुपर्यो ।’

महासचिव पोखरेलले दाजुको निधनको शोकका कारणले यस बीचमा तय भएका कार्यक्रमहरुमा आफ्नो उपस्थिति नरहने समेत जानकारी गराएका छन् । ‘उहाँको विचार र भावनाको पार्टी निर्माण गर्न अझै वाँकी छ । त्यो यात्रा जारी छ, जारी रहने छ ।’ उनले लेखेका छन् ।

उनको अन्त्येष्टि शनिबार दिउँसो गरिने परिवारका सदस्यले जानकारी दिएका छन् ।