काठमाडौँ । नेकपा माओवादी केन्द्रले केन्द्रीय समिति बैठक बोलाएको छ ।
सोमबार बिहान अध्यक्ष प्रचण्ड निवासमा बसेको पार्टी पदाधिकारी बैठकले आगामी पुस २ देखि ७ गतेसम्म केन्द्रीय समिति बैठक गर्ने निर्णय गरेको हो।
केन्द्रीय समिति बैठक अघि मंसिर मसान्तसम्म पालिकाहरुको सम्मेलन गर्ने निर्णय पनि बैठकले गरेको छ । मंसिर मसान्तमा पालिका सम्मेलनसँगै खबरदारी सभा गर्ने निर्णय गरेको बैठकपछि प्रवक्ता अग्निप्रसाद सापकोटाले जानकारी दिए ।
सापकोटाले स्थानीय तहको उपनिर्वाचनमा अन्य दलसँग केन्द्रीय तालमेल नगर्ने निर्णय भएको पनि जनाए । तर स्थानीयस्तरमा विपक्षी मोर्चामा रहेका दलहरुसँग तालमेल गर्न सकिने ढोका खुलै रहेको उनले बताए । मंसिर १६ गते स्थानीय तहका ४४ वटा पदमा उपनिर्वाचन हुँदैछ ।
बैठकले उपनिर्वाचनका लागि पार्टीको तल्ला कमिटीबाट सिफारिस भएका उम्मेदवारको नाम अनुमोदन गरेको छ ।
प्रतिक्रिया