काठमाडौं । यो वर्षको बहुप्रतिक्षित चलचित्र ‘पुष्पा २ स् द रुल’ यसै साता रिलिजको तयारीमा छ । अल्लु अर्जुन लगायत सम्पूर्ण स्टार कास्टले फिल्मको निरन्तर प्रचारप्रसार गरिरहेका छन् र फ्यानहरु माझ फिल्मको चर्चा बढाउन हरेक उपाय अपनाइरहेका छन् । यसको चर्चा यति धेरै छ कि यसले बक्स अफिसमा कमाईका सबै रेकर्ड तोड्न लागेको छ ।
‘पुष्पा २ः द रुल’ को क्रेज यस्तो छ कि टिकट महँगो भए पनि कडा अग्रिम बुकिङ भइरहेको छ । मंगलबार दिउँसो ३ बजेसम्म यो फिल्मको १३ लाखभन्दा बढी टिकट बुक भइसकेको छ । अग्रिम बुकिङबाट अहिलेसम्म ४१ करोड रुपैयाँ कमाइसकेको छ भने ब्लक सीटहरूको साथ यो ५५ करोड छ। यी तथ्याङ्कहरू ३ डिसेम्बर बेलुका ४ बजेसम्मका हुन्।
सैकनिल्क रिपोर्ट अनुसार तेलंगानामा सबैभन्दा धेरै अग्रिम बुकिङ गरिएको छ। यहाँ फिल्मले अग्रिम बुकिङमा १२.२२ करोड कमाएको छ । कर्नाटक दोस्रो स्थानमा छ जहाँ ५.२५ करोडको बुकिङ भइसकेको छ।
यो फिल्मले तेलुगुमा सबैभन्दा महँगो टिकट बेच्ने रेकर्ड पनि बनाएको छ । दिल्लीमा ‘पुष्पा २’को टिकट १८ सय रुपैयाँसम्म, मुम्बई र बेंगलुरुमा सबैभन्दा महँगो टिकट १६ सय र १ हजार रुपैयाँमा बिक्री भइरहेको छ।
टिकटको मूल्य बढाउनका लागि निर्माताले आन्ध्र प्रदेश सरकारसँग अनुमति लिएका छन् । आन्ध्र प्रदेश सरकारले पनि निर्माताहरूलाई ‘पुष्पा २’ को ६ वटा शो सिंगल स्क्रिन र मल्टिप्लेक्समा देखाउन अनुमति दिएको छ। उनीहरुको मूल्य पनि तोकिएको छ ।
यस बाहेक निर्माताहरूले आगामी डिसेम्बर ६ देखि १७ गतेसम्मका १२ दिनसम्म एउटै टिकट मूल्यमा ५ शो देखाउन सक्नेछन् । यो निर्णयपछि अल्लु अर्जुन आफैंले सरकारप्रति आभार व्यक्त गरेका छन् ।
प्रतिक्रिया