काठमाडौं । मंसिर २८ गते हुने नेपाल पत्रकार महासंघको निर्वाचनका लागि अध्यक्षका उम्मेदवार रमेश विष्टसहितको प्यानल घोषणा भएको छ । विष्टलाई प्रेस सेन्टर, समाजवादीपत्रकार संगठन लगायत ६ वटा संस्थाले समर्थन गरेका छन् ।
शनिबार रिपोर्टर्स क्लबमा एक कार्यक्रम गर्दै सयुक्त प्यानलले उम्मेदवारसहित प्रतिबद्धता पत्रपनि सार्वजनिक गरेका छन् । प्रेस सेन्टरबाट अध्यक्ष पदमा उम्मेदवार दिएका कमल गिरीले निर्वाचन समितिबाट आफ्नो उम्मेदवारी फिर्ता लिदैं विष्टलाई समर्थन गरेका हुन । नेपाल प्रेस युनियनले प्रेस चौतारी नेपाललाई अध्यक्ष पदको उम्मेदवारी सुम्पिए पछि असन्तुष्टि जनाउँदै विष्टले उम्मेदवारी दिएका छन् ।
उम्मेदवारी फिर्ताको निर्णयबारे रिपोर्टर्स क्लबमा बोल्दै गिरीले सक्षम, योग्य र अनुभवीउम्मेदवार भएकाले विष्टलाई समर्थन गरेको बताए । उनले विष्टलाई विजयी गराउन आफु र समर्थन गर्ने संगठनहरु सक्रियभएर अघि बढ्ने बताए । उम्मेदवारी फिर्ता लिएर समर्थन गरेकोमा विष्टले सबैलाई धन्यवाद दिए ।
यस्तो छ प्यानल ः विष्ट प्यानलबाट बरिष्ठ उपाध्यक्षमा रोशन पुरी, उपाध्यक्ष (महिला)गंगापौडेल (बराल), समावेशी उपाध्यक्षमा सुभाष प्रसाद साह र महासचिवमा लेखनाथ न्यौपाने उम्मेदवार छन् ।
त्यसैगरि खुला (सचिव)मा उत्तरसिंह विष्ट, मधेसी सचिवमा श्रीजन झा, महिला सचिवमा सरिता बराइली, दलित सचिव मा वसन्त विक, आदिवासीजनजातिमा भिषण राई, एशोसियट सचिवमा विकास कार्की र कोषाध्यक्षमा रामकृष्ण अधिकारी उम्मेदवार बनेका छन् ।
प्रतिक्रिया