काठमाडौं । नेकपा (माओवादी केन्द्र)ले दुईदलीय व्यवस्थामा लैजाने कांग्रेस एमालेको योजना स्थानीय निर्वाचनले असफल बनाएको निस्कर्ष निकालेको छ ।
पार्टी केन्द्रीय कार्यालय पेरिसडाँडामा आज बसेको स्थायी समिति बैठकले स्थानीय तहको उपनिर्वाचनले कांग्रेस र एमालेको योजनालाई असफल पारेको निस्कर्ष निकालेको हो ।
बैठकबारे जानकारी दिँदै प्रवक्ता अग्निप्रसाद सापकोटाले भने,
‘स्थानीय तहको उपनिर्वाचनले देशलाई दुई दलीय व्यवस्थामा लैजाने कांग्रेस एमालेको योजनालाई खण्डित गरेका छ । चुनावी नतिजाले अन्य कुरामा पनि सरकारमाथि दबाब सिर्जना गरेको छ ।’
बैठकले स्थानीय तह उपनिर्वाचनको परिणामा सरमा सारमा उत्साहपूर्ण आएको पनि प्रवक्ता सापकोटाले बताए । उनले भने, ‘जनताले सबै नेता कार्यकर्तालाई अब सत्तातिर होइन, जनतातिर फर्किनुपर्छ भन्ने सन्देश दिएका छन् ।’
बैठकले केपी ओली नेतृत्वको सरकारप्रति जनतामा तीव्र निराशा रहेको निष्कर्ष निकालेको छ । ओली सरकारले देशलाई अधोगतितिर धकेल्नतिर लागिपरेको माओवादीले जनाएको छ ।
बैठकले आगामी पुस २१ गते केन्द्रीय समिति बैठक बोलाएको छ । त्यसको तयारीका लागि पुस १८, १९ र २० गते पुनः स्थायी समिति बैठक डाकिएको छ ।
प्रतिक्रिया