बुटवल । पाल्पाको तिनाउ गाउँपालिका–२ बुढा चटकमा माछा मार्नका लागि विस्फोटक पदार्थ बनाउने क्रममा घाइते भएका एक जनाको उपचारका क्रममा मृत्यु भएको छ । मृत्यु हुनेमा स्थानीय २८ वर्षका सुरज सोमै रहेका छन् ।
सलाईको काँटीबाट माछा मार्नका लागि विस्फोटक पदार्थ बनाउने क्रममा विस्फोट हुन गई सोही ठाउँका २८ वर्षका सुरज सोमै गम्भीर घाइते भएकोमा उपचारको क्रममा बुटवलमा उनको मृत्यु भएको हो । सोही घटनामा विस्फोटबाट दुई जना घाइते भएका छन् ।
घटनामा परि घाइते हुनेहरुमा रुपन्देही तिलोत्तमा नगरपालिका ४ डिङ्गानगरका २१ वर्षीय कोसिस भुजेल र २८ वर्षीय कुशल भुजेल रहेका छन् ।
जिल्ला प्रहरी कार्यालय पाल्पाका अनुसार घाइते दुई जनाको बुटवलमा उपचार भइरहेको छ । घटनाबारे थप अनुसन्धान भइरहेको जिल्ला प्रहरी कार्यालय पाल्पाका डीएसपी सुनिल मल्लले बताए ।
प्रतिक्रिया