काठमाडौं। सरकारले सार्वजनिक यातायातको भाडा बृद्धि गरेको छ । सोमबारबाट लागु हुने गरी सरकारले गाडी भाडा बढाउने निर्णय गरेको हो ।
दुई वा सोभन्दा बढी प्रदेश भई सञ्चालन हुने (राष्ट्रिय स्तरका सार्वजनिक यातायातका रुटमा सञ्चालन हुने) सार्वजनिक यातायातका सवारीको भाडा समायोजन गरिएको विभागले जनाएको छ । पछिल्लो सयम ष्तवर्षको ३१ साउनमा भाडा समायोजन भएपछि आज नयाँ भाडादर तोकिएको विभागदेवार प्रकाशित सूचनामा उल्लेख छ ।
यात्रुबाहक सवारी साधनको सवारी भाडा ३.३० प्रतिशतले बढेको छ भने पहाडी बाटोमा सञ्चालन हुने मालबाहक सवारी साधनको भाडा ०.८१ प्रतिशत र तराईको बाटोमा सञ्चालन हुने मालबाहक सवारी साधनको भाडा ०.०५ प्रतिशतले बढाउने निर्णय भएको विभागले जनाएको छ ।
भाडा बढाउन लामो समयदेखि यातायात व्यवसायीहरुले माग गदैृ आएपनि भौतिक, पूर्वाधार तथा यातायात मन्त्री देवेन्द्र दाहालले ११ पुस २०८१ मा विभागलाई सहमति दिएसँगै विभागले भाडा बढाएको हो । विभागले समयमा भाडा समायोजन नगरेपछि कतिपय रुटहरुमा व्यवसायीले आफुखुसी भाडा असुली गर्दै आएका थिए ।
विभागका अनुसार सार्वजनिक यातायात सञ्चालनसँग सम्बन्धित लगानी तथा खर्च सम्बन्धमा विभागले गरेको अध्ययन तथा विश्लेषण, सरोकारवाला पक्षसँग गरिएको परामर्श समेतका आधारमा भाडा बढाइएको हो ।
डिलक्सले २० प्रतिशत थप भाडा लिन सक्ने
तोकिएको भाडामा डिलक्स सुविधा लिएका सार्वजनिक सवारी साधनले २० प्रतिशतसम्म थप रकम लिन सक्ने र सुपर डिलक्सले डिलक्सको भाडादरमा थप २० प्रतिशत थप भाडा लिन सक्ने विभागले जनाएको छ । यसका लागि ब्लू बुकमा डिलक्स सुविधा लिएको उल्लेख हुनुपर्ने प्रावधान राखिएको छ।
यद्देपी ब्लुबुकमा डिलक्स कायम गरिएका सवारीहरुमा डिलक्सको सुबिधा नहुने गरेको यात्रुहरुले गुनासो गर्दै आएका छन् ।
प्रतिक्रिया