मध्यरातमा अध्यादेशको खेती

काठमाडौं । ओली मन्त्रिपरिषदको मध्यराती बसेको बैठकले धमाधम अध्यादेश ल्याउने निर्णय गरेको छ । मन्त्रिपरिषद स्रोतका अनुसार सार्वजनिक सेवामा हुने झन्झट हटाउन केही कानुनहरू संशोधन गर्ने अध्यादेश जारी गर्ने देखि एनआरएनहरुलाई १० वर्षे निशुल्क भिसा र कम्पनी खोल्न पाउने ब्यवस्था गर्न अध्यादेश ल्याउने निर्णय गरेको छ ।

बैठकले सार्वजनिक सेवामा सरकारी सेवामा ७ दिन भन्दा बढी फायल अडकाउन नपाइने व्यवस्था अध्यादेशमा समावेश गरिएको छ भने गैरआवासी नेपालीले नेपालमा कम्पनी खोल्न सक्ने कानुनी व्यवस्था अध्यादेशमा गरिएको छ।

गैरआवासीय नेपालीले विदेशमा आर्जन गरेको सम्पत्ति यहाँ लगानी गर्न यसअघि कानुनी जटिलता रहेकोमा त्यसलाई अन्त्य गरी मुलुकमा लगानीको वातावरण सहज बनाउन सरकारले अध्यादेशमार्फत् यस्तो व्यवस्था गरेको बताइएको छ ।