रवि लामिछानेको मुद्दामा थुनछेक बहस सुरू, आजै आदेश आउन सक्ने

बुटवल। राष्ट्रिय स्वतन्त्र पार्टी (रास्वपा)का सभापति रवि लामिछाने माथिको छुनछेक बहस सुरू भएको छ।

रुपन्देही जिल्ला अदालतमा सुनुवाइ सुरु हुनेवित्तिकै लामिछानेको तर्फबाट वरिष्ठ अधिवक्ता रमण श्रेष्ठले बहस गरेका छन् । बिहीबारदेखि सुरू भएको थुनछेक बहस आज सकाउने तयारी रहेको छ ।

सरकारी वकिलको तर्फवाट बहस सकिएको छ । लामिछानेको तर्फवाट केही वकिलको बहस भने बाँकी रहेकाले आईतवार पनि उनी अदालतमा उपस्थित भए पछि बहस सुरू गरिएको हो । आज प्रतिवादीको तर्फबाट बहस सकिएपछि सरकारी र जाहेरवालाका वकिलहरुले जवाफी बहस गर्नेछन् । त्यसपछि न्यायाधीशले पूर्पक्षका लागि थुनामा पठाउने वा रिहा गरेर मुद्दा अघि बढाउने विषयमा आदेश दिनेछन् ।

उनी यसअघि कास्कीमा ६५ लाख र काठमाडौंमा ६० लाख धरौटी बुझाएर छुटेका हुन । बुटवल पछि उनले चितवन र पर्सा पनि अदालतमा बयान दिन जान बाँकी नै छ । ती जिल्लावाट पनि पक्राउ पुर्जी जारी गरे पछि चितवन र पर्सा दुवैमा सरकारी वकिलसमक्ष बयान दिइसकेका छन ।