सैनामैना । सैनामैनामा सञ्चालन भइरहेको सुनगाभा सैनामैना गोल्डकप २०८१ मा आज चौथो दिनको खेलमा काठमाडौंको महावीर क्लब विजय भएको छ ।
प्रतिस्पर्धात्मक खेलमा पहिलो हाफमा नै महावीर क्लबका जर्सी नम्बर १७ का सुरज थारुले खेलको १८ औं मिनेटमा गोल गर्दै आफ्नो टिमलाई अग्रता दिलाएका थिए । गोल प्रस्चात दुवै टिमले आफ्नो खेललाई दमदारमा रुपम प्रस्तुत गर्दै बारम्बार गोलप्रोस्टमा प्रहार गरेता पनि पहिलो हाफ १-० मै सकियो ।
खेलको दोस्रो हाफमा प्रतिस्पर्धात्मक रहेता पनि पूर्ण महावीर क्लबले आफ्नो गोलमा एक गोल थप्दै २-० को अग्रता लिएको थियो भने महावीरका लागि पूर्ण सुरज थारुले नै गोल गरेका थिए । दोस्रो गोल खेलको ६२ औँ मिनेटमा भएको थियो ।
खेलको ३९ औँ मिनेटमा बिएफसीको उत्कृष्ट फ्री किक प्रहारलाई महावीरका गोलकिपर सुन्दर बचाउ गरेका थिए ।
खेलमा महावीर क्लब काठमाडौं र हनामी बिएफसी चितवन दुवै टिमका एकएक जनाले पहेँलो कार्ड प्राप्त गरेका थिए । आफ्नो टिमको लागि दुई गोल गरेका सुरज थारु खेलको मानव घोषित भएका थिए ।
भोलिको खेल आयोजक मुर्गिया फुटबल क्लब र छिमेकी राष्ट्र भारत सिक्किमको क्लब बीच हुने कुरा खेल संयोजक अशोक खड्काले जानकारी गराए ।
मुर्गिया फुटबल क्लब, सैनामैना-४, मुर्गियाको आयोजना तथा सैनामैना नगरपालिका, रुपन्देहीको संरक्षकत्वमा जारी प्रतियोगिताको विजेताले उपाधिसहित नगद ७ लाख हात पार्नेछ भने उपविजेताले ४ लाख प्राप्त गर्नेछ ।
त्यस्तै सुनगाभा पब्लिक स्कुल, सैनामैना मुख्य प्रायोजक रहेको प्रतियोगिताको सेमिफाइनलमा पराजित हुने दुई टोलीहरुलाई पनि ४०-४० हजार नगद पुरस्कारको व्यवस्था गरिएको आयोजक क्लबका अध्यक्ष प्रबिन भारीले बताए । फाइनल खेल यही फागुन २८ गतेका दिन हुनेछ ।
प्रतिक्रिया