कुलमान बर्खास्तीको निर्णय विरुद्ध संसदमा प्रतिपक्षी दलहरूको अवरोध

काठमाडौं । प्रतिपक्षी दलहरुले नेपाल विद्युत प्राधिकरणका प्रबन्ध निर्देशक बर्खास्ती विरुद्ध संसदमा विरोध गरेका छन् ।

प्रतिनिधिसभाको बैठक सुरु हुने वित्तिकै सबै प्रतिपक्षी दलका सांसदहरु उठेपछि सभामुख देवराज घिमिरेले माओवादी केन्द्रका शक्ति बस्नेतलाई बोल्न समय दिएका छन् ।

बस्नेतले घिसिङ बर्खास्तीको कडा विरोध गरे । उनले राम्रो काम गर्ने राष्ट्रसेवकलाई पुरस्कृत गर्नुपर्नेमा सरकारले गलत र औचित्यहिन आरोप लगाउँदै अपमानित गर्ने बाटो सरकारले रोजेको उनले बताए ।

बस्नेतले प्रधानमन्त्रीले जवाफ नदिएसम्म संसद अघि बढ्न नसक्ने बताए । त्यसपछि सबै प्रतिपक्षी दलका सांसदहरु उठेर विरोध जनाएका छन् ।

यसअघि आजै बसेको प्रतिपक्षी दलहरुको बैठकले घिसिङ बर्खास्तीको विरोध गर्दै संसदमा विरोध गर्ने निर्णय गरेका थिए ।