गणतन्त्रको रक्षा र राजावादी आन्दोलनबारे रास्वपा मौन, प्रमुख सचेतक सवार गाडी राजावादीहरुबाट आगजनी

काठमाडौँ । गणतन्त्रको रक्षाको आन्दोलन र राजतन्त्रको पुनस्र्थापनाको आन्दोलनका बारेमा मौन बसेको राष्ट्रि स्वतन्त्र पार्टीका प्रमुख सचेतक सवार गाडीलाई राजावादीहरुले जलाइदिएका छन् । राजावादीहरूले रास्वपाका प्रमुख सचेतक सन्तोष परियार चढेको गाडी जलाइदिएका हुन् ।

आज संसद्को काम कारबाही सकेर घर फर्कने क्रममा बालकुमारीमा राजावादीहरूले गाडी जलाइदिएको सचेतक परियारले जानकारी दिए । उनले भने, “भक्तपुरस्थित घर फर्किँदै गर्दा बालकुमारीस्थित सिसीआरसी कलेज अगाडि पुगेपछि राजावादी प्रदर्शनमा संलग्न भएका व्यक्तिहरूले रोकेर गाडी जलाइ दिएका छन् ।” उनीहरूले परियार चढेको १३८२ नम्बरको गाडी जलाई दिएका हुन् ।

गणतन्त्रको रक्षा र राजावादीको आन्दोलन चर्किँदै जाँदा पनि रास्वपाले आफ्नो धारणा सार्वजनिक गरेको छैन । रास्वपा सभापति रवि लामिछाने बेला अएपछि बोल्ने भनेपनि अहिले सम्म रास्वपाको साजनीतिक धारणा सार्वजनिक भएको छैन ।