काठमाडौं । नेकपा माओवादी केन्द्रले केन्द्रीय समिति विघटन गरी अध्यक्ष प्रचण्डको नेतृत्वमा विशेष महाधिवेशन आयोजक समिति गठन गर्ने भएको छ ।
पार्टी कार्यालय पेरिसडाँडामा बुधबार बसेको स्थायी कमिटी बैठकले परिस्थितिजन्य आवश्यकताका आधारमा केन्द्रीय कमिटी भंग गर्ने र अध्यक्ष प्रचण्डलाई संयोजक बनाउँदै विशेष महाधिवेशन आयोजक समिति बनाउने प्रस्ताव केन्द्रीय समितिमा प्रस्तुत गर्ने निर्णय गरेको हो ।
पछि प्रवक्ता अग्निप्रसाद सापकोटाका अनुसार केन्द्रीय समिति बैठकका लागि १० वटा एजेन्डा तय गरिएको छ । पार्टीभित्र एकता मजबुत पार्ने र वर्तमान राजनीतिक अवस्थालाई ध्यानमा राखी यस्तो कदम चालिएको प्रवक्ता सापकोटाले स्पष्ट गरे ।
यस्तै, बैठकले विशेष महाधिवेशनको मिति तय गर्ने प्रस्ताव पनि केन्द्रीय समितिमा लैजाने भएको छ ।
बैठकले फागुन २१ मै निर्वाचन गर्न हुनपर्ने निस्कर्ष निकालेको छ । तोकिएकै मितिमा निर्वाचन गराउनको लागि पार्टीले सरकारसँग माग गर्ने रआवश्यक भूमिका खेल्ने प्रवक्ता सापकोटाले जनाए ।
प्रतिक्रिया