काठमाडौं । नेपाल कम्युनिस्ट पार्टी (एमाले) को १० औँ केन्द्रीय कमिटी बैठक आज पनि जारी रहेको छ । पार्टी प्रचार तथा प्रकाशन विभाग प्रमुख राजेन्द्र गौतमका अनुसार बैठक बिहान ८ बजेबाट सुरु हुने कार्यक्रम छ ।
ललितपुरको जावलाखेलमा जारी बैठकको दोस्रो दिन १४७ जना केन्द्रीय सदस्यले अध्यक्ष केपी शर्मा ओलीले प्रस्तुत गरेको राजनीतिक प्रतिवेदनमाथि आफ्नो धारणा र सुझाव राखेका थिए । पहिलो दिन ५० जना सदस्यले आफ्नो विचार प्रस्तुत गरेका थिए ।
बैठकमा प्रत्येक केन्द्रीय सदस्यलाई तीन मिनेटको समय दिइएको छ । आजको बैठकमा पार्टी पदाधिकारीहरूले पनि आफ्ना धारणा राख्ने कार्यतालिका रहेको छ ।
पदाधिकारीहरूको धारणा सुनेपछि अध्यक्ष ओलीले सदस्यहरूले उठाएका सुझाव र जिज्ञासाको एकमुष्ट जवाफ दिएर बैठक समापन गर्ने कार्यक्रम रहेको गौतमले जानकारी दिएका छन् ।
प्रतिक्रिया