काठमाडौं । नेकपा माओवादी केन्द्रको महाधिवेशन आयोजक समितिको सचिवालय बैठक आज बस्दैछ । बैठक दिउँसो ३ बजे पार्टी केन्द्रीय कार्यालय पेरिसडाँडामा बोलाइएको माओवादी केन्द्रले जनाएको छ ।
बैठकमा नेकपा (एकीकृत समाजवादी), नेपाल समाजवादी पार्टीलगायत वामपन्थी दलहरूसँग एकतासम्बन्धी विषयमा छलफल हुने बताइएको छ । साथै, सम्भावित एकता प्रक्रियापछि पदहरूको व्यवस्थापन, संगठनात्मक संरचना र कार्यदिशा निर्धारणका विषयमा पनि बैठकले निर्णय गर्नेछ ।
माओवादी केन्द्रले यो बैठक माधवकुमार नेपाल नेतृत्वको नेकपा (एकीकृत समाजवादी) ले शुक्रबार केन्द्रीय समिति बैठकमार्फत माओवादीसँग एकता गर्ने निर्णय गरेपछि बोलाएको हो ।
बैठकबाट वाम एकता प्रक्रियालाई औपचारिक रुप दिन सकिने अपेक्षा गरिएको छ ।
प्रतिक्रिया