काठमाडौं । नेपाली कांग्रेसका सभापति शेरबहादुर देउवा र उनकी पत्नी आरजु राणा देउवा आज (शुक्रबार) सिंगापुरबाट स्वदेश फर्किन लागेका छन् । देउवा निकट एक नेताका अनुसार दम्पती आज नेपाल फर्कने तयारीमा छन्, तर उनीहरूको आगमन समय भने सार्वजनिक गरिएको छैन ।
जेनजी आन्दोलनका क्रममा घाइते भएका देउवा दम्पती उपचारका लागि कार्तिक १० गते सिंगापुर प्रस्थान गरेका थिए । उनीहरू २४ भदौमा आक्रमणमा परेका थिए, जसको विवरण २८ असोजमा बसेको नेपाली कांग्रेस केन्द्रीय कार्यसमिति बैठकमा सार्वजनिक गरिएको थियो ।
त्यही बैठकमार्फत सभापति देउवाले उपसभापति पूर्णबहादुर खड्कालाई कार्यवाहक सभापतिको जिम्मेवारीसमेत दिएका थिए ।
प्रतिक्रिया