काठमाडौं । नेपाली कांग्रेसका महामन्त्री गगन थापाले पार्टीमा अब विशेष महाधिवेशन बाहेक अर्को विकल्प नभएको स्पष्ट पारेका छन्।
सोमबार सामाजिक सञ्जालमार्फत उनले पार्टीमा नेतृत्व परिवर्तन अपरिहार्य भइसकेको उल्लेख गर्दै विधानअनुसार निर्धारित समयमा विशेष महाधिवेशन हुने जानकारी दिएका छन्।
थापाका अनुसार विशेष महाधिवेशनबाट नयाँ सभापति चुन्ने र त्यही सभापतिको हस्ताक्षरसहित पार्टी चुनावमा जाने तयारी हुनेछ।
उनले भनेका छन् ‘बिहानदेखि धेरै साथीहरूले सोधिरहनुभएको छ ‘पार्टीले वर्तमान सभापतिज्यूकै हस्ताक्षरमा चुनाव लड्ने भएको हो ?
मैले भने – होइन। साथीहरूले फेरी सोध्नुभयो कसरी ?
मैले भने – प्रष्ट छ, अब विधान बमोजिम समयभित्रै विशेष महाधिवेशन हुन्छ। त्यहीँबाट नयाँ सभापतिको निर्वाचन हुन्छ। नयाँ सभापतिको हस्ताक्षर सहित निर्णय सच्चिएर निर्वाचन आयोगमा जान्छ। नयाँ नीति र नेतृत्वसहित त्यही हस्ताक्षरमा पार्टी चुनाव लड्छ।
यही कारण हो हामीले निर्वाचन अगाडि नै महाधिवेशन भनेको। अब विशेष महाधिवेशनको विकल्प छैन। कुरा स्पष्ट छ, अलमलमा नपरौं।
प्रतिक्रिया