नेपालगन्ज । बाँकेको नेपालगन्जबाट प्रहरीले अवैध रुपले भण्डारण गरी राखिएको ठुलो परिमाणको केराउ बरामद गरेको छ । भन्सार छलेर भारतबाट नेपाल भित्राइएको २० लाख रुपैयाँ बढीको मटर (केराउ) प्रहरीले नेपालगन्जबाट बरामद गरेको हो ।
जिल्ला प्रहरी कार्यालय बाँकेको टोलीले नेपालगन्ज उपमहानगरपालिका (१ गुलरिया बसपार्क नजिक रहेको मुस्कान ट्रेर्डसमा छापा मारेर ११ सय ३० बोरा अवैध केराउसहित टे«डर्सका सन्चालक मुबारक अहमद कबडियालाई नियन्त्रणमा लिएको छ ।
भारतबाट भन्सार छली गरेर ल्याएको अवस्थामा गोदाममा भण्डारण गरिएको २० लाख ३४ हजार रुपैयाँ बराबरको ३३ हजार ९ सय किलो केराउ बरामद गरिएको बाँके प्रहरीले जनाएको छ ।
बिहीबार साँझ बरामद गरिएको उक्त परिमाणको अवैध केराउ र सन्चालक मुबारकलाई आबश्यक कारबाहीका लागि आज नेपालगन्ज भन्सार कार्यालय बुझाइएको जिल्ला प्रहरी कार्यालय बाँकेका प्रवक्ता डीएसपी दीपक पातलीले बताए ।
प्रतिक्रिया