१४३ पूर्व सांसदहरुले गराए प्रतिनिधि सभा विघटनविरुद्ध सर्वोच्चमा रिट निवेदन दर्ता

काठमाडौं । प्रतिनिधि सभा विघटनविरुद्ध १४३ पूर्व सांसदको हस्ताक्षरसहितको थप रिट निवेदन सर्वोच्च अदालतमा दर्ता भएको छ। यसअघि कांग्रेस र एमालेका केही पूर्व सांसदहरुको हस्ताक्षरमा छुट्टाछुट्टै रिट सर्वोच्चमा दर्ता गराएका थिए ।

आज नेपाली कांग्रेस, नेकपा एमाले, जनमत र स्वतन्त्र सांसद गरि १४३ जनाले हस्ताक्षर गरेको विघटनविरुद्धको रिट सर्वोच्चमा दर्ता भएको हो । सो रिटमा भोलका लागि पेसी ताकिएको छ।

सर्वोच्चले रिट दर्ता गरेको र बुधबारका लागि पेसी समेत तोकेको पूर्वमहान्यायधिवक्ता तथ वरिष्ठ अधिवक्ता खम्बबहादुर खातीले जानकारी दिए।

रिटमा कांग्रेसका ६५ जना, एमालेका ७५ र जसपाका २ र एक स्वतन्त्र गरि १४३ जनाले हस्ताक्षर गरेका छन् ।

यसअघि कांग्रेस र एमालेले दिएको छुट्टाछुट्टै रिटमाथि प्रारम्भिक सुनुवाइ गर्दै सर्वोच्चले प्रतिनिधि सभा विघटनविरुद्ध अन्तरिम आदेश दिन अस्वीकार गरेको थियो।