काठमाडौं । भदौ २३ र २४ गते भएका घटनाको छानबिनका लागि गठित जाँचबुझ आयोगले नेपाली कांग्रेसका सभापति शेरबहादुर देउवा र नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’लाई पत्राचार गरेको छ ।
ती दुई दिनका घटनाबारे जानकारी लिन आयोगले पत्र पठाएको हो । आयोगले बयान दिन उपस्थित हुन नसके लिखित जवाफ पठाएपनि हुने सुविधा दिएको छ । पत्रसँगै उनीहरुलाई आयोगले जान्न चाहेको विषय केन्द्रित प्रश्नहरु पनि सँगै पठाइएको छ ।
आयोगले अब तत्कालीन प्रधानमन्त्री केपी शर्मा ओलीलाई बयानका लागि पत्र पठाउने तयारी गरेको छ । ओलीलाई पत्राचार गर्ने विषयमा आयोगका पदाधिकारीहरूले प्रधानमन्त्री सुशीला कार्कीसँग छलफल गरिसकेका छन् । उनीहरुले ओली उपस्थित नभएमा कानूनबमोजिम गराउन सरकारको सहयोग मागरेका छन् ।
यसअघि आयोगले बुधबार तत्कालीन गृहमन्त्री रमेश लेखकसँग बयान लिएको थियो भने अन्य १५० जनाजतिसँग बयान लिइसकेको छ ।
प्रतिक्रिया