काठमाडौं । नेपाली कांग्रेसका सभापति शेरबहादुर देउवाले संस्थापन पक्षका पदाधिकारी तथा पूर्वपदाधिकारीसँग छलफल गर्न लागेका छन् ।
पार्टीभित्र विकसित भएको परिस्थितिबारे देउवाले पदाधिकारी पूर्वपदाधिकारीसँग छलफल गर्न लागेका हुन् । छलफलका लागि उनले आफ्नै निवास महाराजगंजमा दिउँसो २ बजे पदाधिकारीहरुलाई आमन्त्रण गरेका छन् ।
तर, छलफलमा संस्थापनइतर पक्षका पदाधिकारीलाई बोलाइएको छैन । संस्थापन इतर महामन्त्रीद्वयको समुहले पुषभित्रै जसरी पनि विशेष महाधिवेशन गरेर नेतृत्व परिवर्तन गर्ने तयारी गरेको छ । तर पार्टी केन्द्रीय कार्यसम्पादन समितिले भने पार्टीको नियमित महाधिवेशन आगामी बैशाख २८ देखि ३१ गतेसम्म गर्ने निर्णय गरेको छ ।
प्रतिक्रिया