पाल्पा । नेपाली कांग्रेस पाल्पा क्षेत्र नम्बर २ का उम्मेदवार हिमालदत्त श्रेष्ठले पाल्पा जिल्ला कृषि क्षेत्रमा प्रचुर सम्भावना भएको जिल्लाको रुपमा रहेको बताएका छन । उनले जिल्लामा नगदेबालीको रुपमा अकबरे खुर्सानी, सुन्तला, तेजपात, अदुवा, बेसार उत्पादनको राम्रो सम्भावना रहेको बताएका छन ।
त्यससंगै जिल्लाका माडीफाँट, कचलफाँट, सर्देवाफाँट, अर्गलीफाँट, चहलाफाँट साथै मदनपोखरामा तरकारी तथा अन्नबाली उत्पादन राम्रो हुने गरेको बताएका छन । उनले किसानलाई भिजन टेन मार्फत बाली र पशुपंक्षि पालनमा ९० प्रतिशत अनुदान दिने संकल्प गरेको बताए ।
उम्मेदवार श्रेष्ठले किसानको बालीलाई क्षेती गर्ने बन्यजन्तु विशेषगरि बाँदर र बदेललाई स्पष्ठ सरकारी निति मार्फत नियन्त्रण गर्ने योजना सहित जनताको घरदैलोमा मत माग्न पुगेको धारणा राखे । उत्पादनको आधारमा अनुदान, कृषि रोजगारी र्सिजना गर्नका लागि केन्द्रमा गगन थापाको सरकार र प्रदेश तथा स्थानीय सरकारले विशेष भुमिका खेल्ने छ ।
गृहिणी दिदी बहिनी, विदेशबाट फर्किएका दाजुभाईहरुलाई सीप अनुसारको रोजगारी सृजना गर्ने भिजन सहित कांग्रेस आएकाले युवाको नेतृत्वमा सरकार बन्ने भएकाले ती प्रतिज्ञा कांग्रेसले पुरा गर्ने बताए ।
प्रतिक्रिया