काठमाडौं । नेकपा एमालेको सचिवालय बैठक अध्यक्ष केपी शर्मा ओलीको निवास गुण्डुमा जारी छ । समानुपातिक सांसदको नाम टुंगो लगाउन तथा २१ फागुनमा सम्पन्न निर्वाचनको समीक्षाको एजेण्डामा छलफल गर्न सचिवालय बैठक आह्वान भएको एमालेले जनाएको छ ।
एमाले अध्यक्ष ओली बाबुको शोकमा रहेको अवस्थामै पार्टी सचिवालय बैठकमा सहभागी भएका छन् । अध्यक्ष ओलीका बाबु मोहनप्रसाद ओलीको शुक्रबार निधन भएको थियो ।
बैठकले समानुपातिकतर्फबाट निर्वाचित सांसदको नाम टुंगो लगाउने र निर्वाचनको समीक्षा गर्ने एमाले केन्द्रीय कार्यालयका सचिव डा भीष्म अधिकारीले जानकारी दिए ।
निर्वाचन आयोगले आज प्रतिनिधिसभा सदस्य निर्वाचनअन्तर्गत समानुपातिकतर्फबाट निर्वाचन उम्मेदवारका नाम सिफारिस गर्न राजनीतिक दललाई समयसीमा तोकेपछि एमालेको बैठक बसेको हो ।
प्रतिक्रिया